___________

JORNADAS DE CRIANÇA NATURAL 20-21 E 27-28 NOVEMBRO

2009-11-24T10:08:00.000-08:00

I Xornadas de Criança Natural de Ourense

2009-11-18T09:22:00.000-08:00

As Lerchas junto com as mulheres do CS A Esmorga vimos de organizar umhas jornadas que titulamos de "criança natural", orientadas a recuperar esta faceta da vida de muitas mulheres, que fora rouvada polo sistema. Vemonos lá!

20 de novembro (sexta-feira): Educar nos primeiros anos. Participa “Agarimar”, colectivo de maes e pais por uma criança alternativa. Às 20h00 no Centro Social SemUmCam (R/Vilar, 9)

21 de novembro (sábado): Parto Natural: situaçao nos hospitais galegos. Parto na casa. Interviram: Marisol de Diego (matrona do hospital de Ourense), María González (matrona do Hospital Comarcal do Salnés) e Nuria Otero (doula e integrante de O Parto é Noso). Às 18h00 na Casa da Juventude.

27 de novembro (sexta-feira): Recuperando a maternidade: a figura das doulas. Participam as doulas Luzia Titán, María Rodríguez e Patricia Álvarez. Ás 19h00 no Centro Social A Esmorga (R/Telheira, 9 -Zona Universitária).

28 de novembro (sábado):

• Sesao pública de aleitamento materno. Ás 11h30 na Praça Maior.

• Palestra-colóquio: o papel dos grupos de apoio à lactáncia materna. 12h30 no Centro Municipal de Promoción da Saúde (R/ Vasco da Ponte, 1 – ao lado do Conservatório de Música) Participam integrantes dos grupos “Un Coliño” (Ourense), “Mámoa” (Compostela) e “Deleite” de Vigo.

• Introduçao à massagem para bebés, por Rosana Portela (educadora da AEMI) Às 18h00 na Casa da Juventude (R/Celso Emilio Ferreiro, 27)

MARCHA PROCESSIONAL PELA NOSSA SENHORA DO LESBICIO

2009-07-09T12:42:00.001-07:00

Passa-ruas e grande festa do Les-vício !!!

2009-07-02T09:16:00.000-07:00

A próxima sexta feira dia 3 de Julho as Lerchas trazemos a Ourense a celebraçom do Dia do Orgulho LGBT com um acto muito especial: a novena na honra da Nossa Senhora do Perpetuo Lesbício! :

-Processom a partir das 21h desde a Rua do Vilar

-Festa Lesbi a partir das 22h30 no CS A Esmorga, R/ Telheira, 11.

Que a Nossa Senhora se apiade das nossas almas!

28 JUNHO DIA DA NOSSA SENHORA DO PERPETUO LESBICIO

2009-06-25T07:17:00.000-07:00

Santa bendita sem sítio na bíblia
apareces-te-nos mil vezes
em forma de amiga
de companheira, de cunhada
de vizinha ou de prima

Trás os inocentes gestos de cada dia:
"pentea-me o cabelo, estende-me a creminha,
prende-me aqui esta saia,
durme a mim apertadinha..."
acorde a tua luz a nossa paixom durmida

Antiga, sábia, fermosa senhora
fizeram-te invisível as tebras machistas
mas habitas o mundo das mulheres
bem-aventuradas as nossas peles
os nossos orgasmos, as nossas amigas

Venha a nós o teu tacto
enche de inspiraçom as nossas línguas
apiada-te das tuas filhas, mai bondadosa
que nom queremos cair na desgraça
de deixar o mundo sem provar tortilha

As Lerchas em Lugo

2009-06-09T02:17:00.000-07:00

O próximo dia 20 de Junho as Lerchas imos apresentar o Museo feminista Itinerante na cidade de Lugo, no Centro Social Madia Leva, nesta ocasiom cumha novidade: umha visita guiada -e incluso interpretada- polas diversas torturas que padeceram as mulheres ocidentais no século XXI.
As jornadas feministas do Madia Leva começam o dia 12, e desde entom já estará exposto o museo feminista no seu local, na rua Amor Meilám. Para mais info podes olhar em madialeva.agal-gz.org

Abortar nom é delito!!

2009-05-25T15:48:00.000-07:00

Ante as ameazas de quererem arrebatarnos o direito fundamental que nos permite ter soberania sobre o nosso corpo, as lerchas berramos que NOS PARIMOS, ergo NOS DECIDIMOS!!

MUSEO DA TORTURA CONTRA AS MULHERES (IV)

2009-04-10T13:58:00.000-07:00

Ideologia médica: Da "fé em Deus" a "Fé na Ciência".

Entre a gente mais nova perderom poder os dictados da igreja para o controlo da sua sexualidade, aqueles contos de que a masturbaçom producia cegueira ou de que o uso do preservativo era pecaminoso. Isto significou mudanças nas formas e na linguagem mas a ideologia moderna mantivo os velhos tabús cristianos.

O médico é agora o Deus que dicta as normas sobre o corpo e a sexualidade; tem o poder de clonar vida no seu laboratório e decidir como vam ser os seus filhos e filhas manipulando a sua genética; pode modelar com o seu bisturí o corpo da mulher igual que antes o Deus Todopoderoso a modelara a partir dumha costela.

As farmaceuticas fam-se de ouro com a intervençom médica na sexualidade: vacinas para papilomas, tratamentos com hormonas desde as primeiras menstruaçoes para o resto da vida, partos convertidos em operaçoes quirúrgicas,... A suposta sabiduria médica fijo dos seus protocolos “palavra de deus”. No século XXI os curas mudarom o hábito por umha bata branca e o altar pola consulta. Numha sociedade desesperada polo stress e a ansiedade da vida moderna o “corpo de cristo” adoptou forma de capsula de 20 miligramos.

Um recurso secular para a repressom sexual foi o do medo. A ideologia moderna fazia finca-pé nos perigos do sexo ao tempo que inventava autênticas plagas de transmissom sexual nos laboratórios. Já a finais do século XX inventava-se o SIDA, um virus que castigava a “depravados” e “viciosas”. Se durante séculos o sexo fora um PECADO a ciência convertiu-no em realmente MORTAL. A indústria farmaceutica emprendeu as suas cruzadas colonizadoras, envenenando países e arrasando com a velha medicina tradicional.

MUSEO DA TORTURA CONTRA AS MULHERES (III)

2009-04-10T13:55:00.000-07:00

Na Galiza do século XXI, as mulheres foram as últimas em terem controlo sobre os seus próprios corpos e sobre os processos que os afectam (desde o comportamento e as práticas sexuais até a maternidade); en cambio, exerciam muito protagonismo outros agentes, como:

as autoridades sanitárias, que tratavam as mulheres como simples objetos, chegamdo a praticar com elas -sem o seu consentimento- verdadeiros horrores para a experimentaçom cientista (ensaiando, por exemplo, métodos quirúrgicos e hormonais altamente agressivos), e empregando práticas médicas intervencionistas que negavam -de facto- a autonomia das doemtes (!), excluimdo-as mesmo da planificaçom e direcçom dos seus própios partos;

o Estado e os seus tentáculos territoriais, que ditavam legislaçons sobre o que deviam ou nom deviam fazer as cidadás cos seus corpos, impondo castigos para aquelas que ousassem desobedecer, como passou longamente no exercício do aborto;

os meios de comunicaçom de massa, principais tecnologias do género que estenderam um segundo modelo sexual de mulher, a “mulher fatal”, dedicada por inteiro à procura do pracer genital do homem, bem por manipulaçom bem por vício, e invisibilizando, deste jeito, qualquer outro tipo de relaçons e práticas sexuais que nom tivessem o falo como centro de atençom dos jogos eróticos;

a Igreja Católica e a sua doutrina moral retrógrada e genocida, que seguia a reverenciar a Virgem como modelo de comportamento sexual feminino (“mulher-anxo”), identificado e legitimado polo estamento do matrimónio heterosexual; e, porén, demonizava o uso de métodos anticonceptivos como o preservativo por induciren ao coito e provocaren, assim, um aumento no contagio da sida.

MUSEO DA TORTURA CONTRA AS MULHERES (II)

2009-04-10T13:50:00.000-07:00

PARA CAMPAR HÁ QUE CHORAR

o modelo estético: a mulher inalcanzável.

Os modelos estéticos sempre reflexarom a situaçom social das mulheres, a sua condiçom (bem como trabalhadoras, bem como aristócratas), o seu carácter aventureiro, as suas luitas, a sua disciplina, as suas tradiçons... eram por tanto a nossa imagem, e dependendo da época e do contexto iam mudando.

Se bem por muito tempo forom marca social e cultural, a começos do século XXI o culto à imagem e às apariências convertiu-se numha auténtica obsessom. Assim chegarom aos extremos de injectar-se toxinas, de mutilar-se, de usar tratamentos agressivos sem eficácia demostrada mas com infinidade de efeitos secundários; as mulheres absorviam-se, depuravam-se, mutavam, e o pior de todo é que deixarom de ser elas para se convertir na má cópia da mulher inalcanzável criada nos laboratórios do patriarcado.

Ademais, as nossas antepassadas viviam atrapadas na sociedade de consumo. Havia centos, milheiros de produtos, artefactos, curandeiros que prometiam a felicidade conseguida através da tortura continuada, desde bem miudas até o mesmo leito de morte. Desde a cor-de-rosa escolhida na sua infáncia ou os buracos dos brincos até o alongamento artificial da juventude mascarando um corpo auténtico com cicatrizes e sustáncias sintéticas.

MUSEO DA TORTURA CONTRA AS MULHERES (I). Carvalhinho, 1 de Abril

2009-04-10T13:38:00.000-07:00

PATRIARCADO MODERNO. SÉCULO XX-XXI

O corpo das mulheres foi considerado sujo e imperfecto ao longo de toda a era patriarcal. Já os primeiros filósofos gregos consideravam à mulher um ser imperfecto. A menstruaçom era para Aristoteles o sémen pobre que produziam as mulheres. A “Histéria”, enfermidade que se diagnosticou historicamente só a mulheres, foi atribuida a desprazamentos que o útero realizava polo corpo até instalar-se na cabeça e virá-las loucas. Poderiam fazer esses doutores hipótese semelhante sobre os testículos?

No Patriarcado moderno as mulheres padecerom a mesma ideologia pseudo-científica contra os seus corpos, que som observados como um constante problema: cheiram mal, menstruam, desequilibram-se hormonalmente, engordam, som frígidas... A misogínia (ódio às mulheres) da era do “progresso científico” pusso nas ruas mulheres mais objecto do que nunca, parcheadas com silicona.

A tortura contra as mulheres mudou de formas e o Patriarcado semelhava ganhar terreno ao ser muitos destes castigos aceitados com resignaçom e pasividade, chegando incluso a ser auto-aplicados. O trunfo do Patriarcado consiste em fazer da violência um facto “normal”, tam normal que incluso nos aplicamos diversas torturas físicas e psíquicas em nome da “beleza”, da “ciência” e do “amor”.

CONTRA O PATRIARCADO, O FEMINISMO NA RUA

As feministas do XXI enfrentarom o patriarcado moderno e iniciarom o caminho da sua destruiçom. Umha das necessidades mais urgentes foi a de romper o silêncio e fazer visível o invissivel. Às vezes os factos que aparentam ser do mais normal nom o som, tenhem finalidades que desconhecemos e encerram ameaças e proibiçons cum significado mui antigo, tanto que parece que esquecemos.

Por isso foi e é tam importante conhecer a História das mulheres, as grandes ausentes nos livros; saber onde e porque se originou a subordinaçom social home/mulher; denunciar as agressons que sofremos por ter um corpo de mulher, desde a violência directa até a cifrada em códigos estéticos, morais ou pseudo-científicos.

A esta labor queremos contibuir desde o Museo Itinerante para a Recuperaçom da Memória Histórica das Lerchas, desde onde fizemos um importante esforço arqueológico. As peças que estám expostas a continuaçom entrarom em des-uso anos antes da definitiva aboliçom do sistema Patriarco-Capitalista.

Com carinho, esperamos que vos resulte ameno e alentador.

Carvalhinho, 1 de Abril, Era Pós-patriarcal.

AS LERCHAS NO Nº 1

2009-04-10T13:32:00.000-07:00

O dia 1 de Abril as Lerchas fomos convidadas ao instituto de Carvalhinho, onde realizamos com várias aulas algumhas actividades que nos ajudarom a falar daquelo que parece que nom existe.
Muito obrigadas a todas, foi umha experiência mui bonita!

IN-feliz Sam Valentim na feira

2009-02-10T11:14:00.000-08:00

O sábado passado as Lerchas fomos a feira a anunciar o debate sobre o amor romántico que temos preparado para esta quarta feira às 19 h na sala 0.9 da faculdade de humanidades (Edifício de Ferro). Nesta ocasiom colocamos umha mesinha com informaçom e fomos com um look namoradiço. Pra que nom digam!

IN-feliz Sam Valentim: CUPIDO MATA MULHERES

2009-02-04T09:05:00.000-08:00

Antigamente o 14 de Fevereiro celevrava-se o dia de Sam Valentim, um famoso mártir da cruzada machista e cristiana que se dedicava a impartir o sacramento do matrimónio. Por isso o dia de Sam Valemtim foi o dia do "amor", um dia que celevravamos animadas polos centros comerciais a quem qualquer excusa lhe parece válida para animar-nos a comprar. Mas de que "amor" estamos falando?

--Este amor romántico é umha invençom moderna. Nom fai tantos anos a gente nom casava por "amor". Fazia-o por imposiçom social. O matrimónio era simplesmente um contrato de compra-venda entre homens, no que o pai do moço (ou o moço) e o pai da moça eram quem tinham a última palavra. O objeto contractual eram as mulheres, e valoravam-se de distinto jeito segundo a origem social do marido: mulheres tractor, capazes de trabalhar a terra e parir muitos filhos (mao de obra) nas casas labregas, até mulheres florero com o único cometido na vida que o de parir herdeiros para nobres e burgueses e conservar a sua beleça e a sua finura.

--Co passo dos anos este sistema ficou obsoleto e inventouse o amor romántico para justificar o matrimónio, elaborando umha estricta normativa de como devemos sentir: dependência (nom podo viver sem ti), exclusividade (só te quero a ti), monogamia (som só tua), propriedade (matei-na porque era minha)... Walt Disney encarregou-se de idealizar o modelo anterior e esperamos durmindo polo príncipe azul protector, pola média laranja porque, nós soas, nom fazemos umha laranja enteira.

--O amor romántico é violento porque é anti-natural. Ou sofremos de zelos, de medo a ser "abandonadas", ou pola angustia de saber que, umha vez "atrapadas" já nunca poderemos disfrutar com outras pessoas e com outros corpos; sofremos ante a dor que causamos no nosso par quando cometemos algumha das chamadas "infidelidades"; sofremos ao nom poder conservar relaçoes antigas quando aparecem novos "amores"; sofremos nas discussons violentas e nos divórcios...

--A face mais dramática do amor romántico é o que conhecemos como violência doméstica. O amor romántico é a justificaçom dos miles de homes que pegam palizas às suas companheiras e às suas crianças nos seus fogares, e também a de muitas mulheres que nom som capazes de escapar nesta situaçom. É por isto que o Feminismo vem de declarar o 14 de Fevereiro como o Dia internacional contra a violência de género.

A fé cega no amor romántico nom nós deixa visibilizar outras possibilidades de como AMAR. Um AMOR novo, sem as normas preestabelecidas e fundamentadas na repressom sexual, no heterosexismo, no machismo, na propriedade, no consumismo, nas necessidades do capitalismo... um amor novo que vamos a construir procurando satisfazer os nossos desejos, o nosso prazer, a nossa felicidade e a do resto de pessoas.

Estamos convencidas de que nom vai ser umha tarefa fácil e convidamos-vos a todas e todos a iniciar o debate, na vossa casa, nos vossos centros de trabalho, nas escolas, nas associaçoes vizinhais, nos coros paroquiais,...

As Lerchas, que somos um colectivo feminista de Ourense, organizamos para este 11 de Fevereiro às 19 h na Sala 0.9 da Faculdade de Humanidades (Edificio de Ferro) um acto de reflexom colectiva, onde queremos partir das próprias experiências para procurar caminhos abertos para luitar contra a violência machista que se esconde no silêncio das nossas casas.

CONTRA A VIOLÊNCIA MACHISTA

2008-12-01T12:07:00.000-08:00

O 25 de Novembro saímos a protestar contra a hipocrisia institucional, que faz muita propaganda do tema mas na prática fecha recursos. Visibilicemos o machismo institucional!

AS LERCHAS CONTRA-ATACAM

2008-10-17T09:17:00.000-07:00

Fotos do acto que celebramos o 12 de Outubro, primeiro "dia da raça" e com a "democracia "dia da hispanidade" que se celebra a nível institucional com desfiles militares e misas nos cuarteis...
Nos acompanhamos nesta celebraçom com umha mesa de cecrutamento bem especial...

12 de Outubro: AS LERCHAS CONTRA-ATACAM

2008-10-09T12:54:00.001-07:00

ESTE MODELO ESTÉTICO MATA

2008-07-07T02:51:00.000-07:00

Em quanto chega o verao todas somos gordas. As "toxinas" da "celulite" convertem-se no nosso principal problema, xq se nom estamos lisas coma barbies nom imos comer umha rosca, ninguem nos vai querer, nom imos ter amigas e o nosso verao será umha tristeça. As tetas colgam-nos, nascem pelos nas nossas pernas e sobacos, estamos vergonhentamente brancas, e não sabemos como fazer para manter o liso do cabelo com a humidade da praia.

E mentras estas se convirtem nas nossas principais preocupações, quizá esquezamos outras cousas que realmente som os nossos verdadeiros problemas...

Por isso nós nom nós deixamos enganar polos ditámenes da publicidade, dos médios de comunicação, das empresas cosméticas,...

Nom reconhecemos a sua autoridade sobre nós: para nós a única autoridade é a nossa própria, a autoridade feminista.

+ fotos

2008-07-01T05:56:00.001-07:00

Mais fotos do acto da quinta feira passada, na que as Lerchas precintamos a catedral de Ourense, por ordem das autoridades feministas, quer dizer, nós. Com precinto e cartazes rodeamos a catedral, ante o asombro do facherio Ourensano, que nom é pouco.

PRECINTADA POR HOMOFÓBICA

2008-06-27T10:33:00.000-07:00

Ontem as Lerchas celebramos por adiantado o 28-J, precintando a catedral de Ourense, por machista, por misógina, por homofóbica:

I ENCONTRO DE LERCHAS

2008-05-06T07:56:00.000-07:00

Obrigadas as Maribolheras pola ediçom deste vídeo sobre os encontros!

beijoos!

I ENCONTRO DE LERCHAS

2008-04-29T02:33:00.000-07:00

*Nos próximos dias publicaremos umha crónica com as principais conclusões de este encontro.

Às lerchas nom nos chamam lerchas porque sim.

2008-04-16T08:11:00.000-07:00

1º ENCONTRO DE LERCHAS

As Lerchas de Ourense levamos messes dando voltas a ideia de organizar um
encontro de Lerchas na nossa cidade, com a finalidade de fomentar o
conhecimento mútuo, compartilhar experiências e jeitos de focar umha mesma
luita, plantejar e solventar necessidades e problemas comuns ...

Nos últimos messes, multitude de experiências feministas se vem dando ao
largo e ancho do país: por uma parte, a resposta ante as agressões dos
sectores mais reaccionários do Estado pola proibiçom do oborto, e também
ante a proibiçom de manifestar-nos no passado 8 de Março, por coincidir com
a hipócrita "jornada de reflexom". Por outra, um florescente panorama de
novos colectivos locais ou comarcais, com novas focagens e novos jeitos, e
um enorme potencial de auto-organizaçom. Neste sentido, os centros sociais
tem sido um fervedoiro, por ter facilitado que muitas de nós nos
encontrassemos neles, e incluso que muitas das nossas assembleias levem o
carimbo do CS onde nascerom. Por isso este convite também leva o endereço dos
CS, para animar-vos a aquelas que, organizadas numha assembleia de mulheres ou
nom, tenhades estas inquedanças a participar nestes encontros.

O programa é o seguinte:

1º ENCONTRO DE LERCHAS

Sabado 26
Ourense

11h30----Encontro-debate: Mecanismos de controlo afectivo-sexuais*
Com Beka, Zelia e Laura

18h----Encontro de Lerchas:
Intervençom feminista nos movimentos sociais.*
Apresentaçom e debate sobre as formas de intervençom política de diferentes
colectivos feministas do País.

*Estas actividades serám no Pavilhom das associações estudantis. Campus
Universitário.

22h30---Festa de varietés feministas.
Pub "Cripta". R/ Benito Vicetto, 6

+info: lerchas.blogspot.com
contacto: lerchas@gmail.com

ABORTO LIVRE

2008-03-12T05:16:00.000-07:00

No 8, no 9 de Março e todos os dias...Viva a luita das mulheres!

O passado 9 de Março as Lerchas saimos polas ruas de Ourense cumha dupla intençom.
Por umha parte denunciar o despreço que este ano tem amosado o governo espanhol com o movimento feminista, primeiro colocando as eleições no 9 de Março e depois proibindo as mobilizações previstas para o 8, baixo a ameaça da sua legalidade que, entre outros, nom respeita os nossos direitos de manifestaçom, pretendendo que fiquemos caladas e na casa num dia do simbolismo e da importáncia do 8-M.

Esta é a sua democracia: a da hipocrisia das listas paritárias e da igualdade formal que nunca se efectiviza, ao tempo que se perseguem às mulheres por abortar e se nós pretende silenciar em nome da mesma democracia.

Com esse mesmo despreço som tratados os nossos direitos sexuais e reprodutivos. Durante a pre-campanha a problemática do aborto foi utilizada com fins partidistas, sem importar a voz das realmente interessadas. A direita mais ráncia e reaccionária iniciou umha caça de bruxas que rematava com mulheres nos julgados declarando sobre o seu direito a decidir sobre o seu corpo, mentres que a pseudo-esquerda espanhola demonstrou, mais umha vez, nom estar disposta a arriscar nem um só voto polos nossos direitos.

A insuficiência da despenalizaçom do delito nos três casos em q a legislaçom espanhola permite abortar, tem demostrado ser mais que insuficiente, ao nom garantir a possibilidade de faze-lo, nem sequer, quando se cumplem estes supostos, empurrando às mulheres à clínicas privadas. Trata-nos como pessoas sem capacidade para decidir sobre os nossos corpos, sempre baixo a tutela de alguem, já seja o estado, o marido ou o médico.

Somamo-nos ao resto do movimento feminista para exigir o aborto livre, se bem com ironia no 8 de Março com o "Vota-Machos", no 9 de Março, dia das eleições, quigemos combinar esta luita com a recuperaçom da nossa memória colectiva, fazendo finca-pé na necessidade de nom consentir que nos empurrem nem um passo atrás.

E para nom ir um passo atrás é necessário conhecer e reconhecer as experiências de auto-organizaçom que nos precederom. Som as sufragistas um capítulo fulcral na nossa história colectiva, polo elevado nível de consciência e pola sua combatividade numha sociedade cumha ordem patriarcal muito mais récia que na actualidade. Recolhemos o seu exemplo de valentia para dizer-lhe ao sistema que nom nós vai calar, e que nom imos consentir que se recurtem, ainda mais, os nossos direito. E assim, como as sufragistas, desfilamos polas ruas de Ourense.

VOTA MACHOS. Acto eleitoral.

2008-03-10T09:22:00.000-07:00

O passado 8-M os machos da cidade de Ourense saimos de acto eleitoral para reafirmar o nosso poder.
Depois de que as feministas se visem obrigadas a ficar na casa por ordem da delegaçom do governo espanhol, já estavam todas as cartas boca arriba: os machos mandam e as nenas calam.
Assim, tranquilamente e depois de tanto tempo, pudemos disfrutar dumha jornada de reflexom autenticamente democrática, sem manifestaçons nem tonterias, onde cada quem estivo no seu lugar: os homes a mandar, as mulheres a calar!
Ai vai o vídeo!

NÓS DECIDIMOS… TODO

2008-03-07T02:16:00.002-08:00

Comunicado da candidatura eleitoral "Vota-Machos" ante a proibiçom das manifestações do 8-M pola delegaçom do governo espanhol na Galiza.

A Delegaçom do governo español na Galiza vem de decidir a proibiçom das mobilizações do 8 de Março, que desde os anos 70 ininterrumpidamente recordavam-nos que as mulheres tem acadado direitos que subvertem a natural orden das cousas: os machos a mandar, as mulheres a fregar.

A candidatura eleitoral “Vota Machos”, que além de defender o direito dos homens a decidir sobre a maternidade e sexualidade femininas, defende a vontade masculina por riba de todas as questons que atingem às mulheres, como seres inferiores e incapaces que som, emitimos este comunicado para parabenizar:

-A Delegaçom do governo na Galiza por impedir que o 8-M as mulheres saiam à rua., deixando-lhes bem claro que a sua liberdade de expressom remata onde a nós nos dea a gana. Aguardamos que nom se escatime em forças da orden para que a nossa lei seja cumprida.

-Ao governo de espanha, por calcular umha jogada tam boa contra as mulheres, obrigando-as a ficar na casa um dia de tanta importancia e simbolismo como é o 8-M.

Pola nossa banda, nós continuaremos da mao dos poderes públicos e mediáticos do reino español, a trabalhar por impedir a livre decissom das mulheres sobre o seu corpo e agora, também, sobre o seu direito a manifestaçom.

Mesa informativa “Vota-machos”. Sábado 8-M às 11 h diante do Obispado de Ourense e as 13 h diante do julgado.

Nós NOM parimos

Nós DECIDIMOS

NA MINHA CONA NOM MANDA NINGUEM

2008-03-06T02:48:00.000-08:00

Queremos decidir livremente, xq sexualidade nom é maternidade e parir nom é o nosso destino polo facto de ser mulheres.
Assim que, ainda que muitas Lerchas nom votamos, as que sim o queremos fazer, temo-lo claro:
Na nossa cona nom manda ninguém!!!

Pois ai tedes a papeleta!

ABORTO LIVRE (Recordando às sufragistas)

2008-03-05T08:25:00.000-08:00

No dia das eleições recordamos as sufragistas, as mulheres que luitaram por conseguir que para nós votar hoje seja legal e normal. Queremos reconhecer o movimento feminista, absolutamente ignorado polo sistema eleitoral, que coloca o dia de reflexão na data histórica de 8 de Março. Queremos estar na rua para exercer o direito a expressar-nos, onte, hoje e qualquer dia, não uma vez cada 4 anos.

Queremos denunciar a utilizaçao partidista dos nossos direitos humanos, que não são tomados a sério; a “lei do aborto” nunca foi tal, foi uma despenalização de um delito em três casos determinados; as dificuldades para cumpri-lo na prática e a recente caça de bruxas demonstram que não temos reconhecido o direito sobre o nosso corpo, sobre a nossa vida, que não somos cidadás. O PSOE traiu a promessa eleitoral sobre a lei de interrupção da gravidez, vamos confiar outra vez?

Como as sufragistas, temos que continuar a luitar polos direitos conseguidos, que facilmente se estancam ou retrocedem. O poder continua a ser masculino, e quer relegar-nos a objectos reprodutores, menores de idade sem capacidade de decisão sobre a sua vida. Os mesmos fundamentalistas que nos impediam votar hai cem anos, hoje impedem-nos decidir livremente sobre a nossa maternidade. Não nos merece credibilidade nenhuma quem defende a “vida” em abstracto e não fai nada contra as guerras, contra a violência às mulheres, quem historicamente apoiou tantas violências...

No 8, no 9 de Março e todos os dias...

viva a luita das mulheres!

NÓS NOM PARIMOS, NÓS DECIDIMOS

2008-02-26T02:14:00.000-08:00

Nos últimos messes tivemos que aturar a politicuchos, opinólogos, curas e outros machistas convertindo em slogam de campanha eleitoral o nosso direito ao ABORTO.
Esta é a democracia que nos oferece este sistema às mulheres: nós parimos, eles decidem.
Já estamos fartas!
Sabemos que todos os direitos que nos reconheceu esta farsa democrática, ganhamo-los na rua e na luita, e ali estaremos este 8 de Março, com o nosso próprio acto eleitoral... Vota Machos!

Baixo a legenda "Nós nom parimos, nós decidimos" os machos do circo eleitoral da política institucional tiram as suas caroutas. Machistas disfarçados de progres ou fascistas, todos defendendo os mesmos interesses: o direito que o sistema outorga aos homens a decidir e organizar a vida e os corpos das mulheres.
Abonda de hipocrisia! Que os machos o digam claro: Nós nom parimos, nós decidimos!
Que já depois lhes respostaremos....

-Sábado 8 de Março diante do Obispado a partir das 11 h, mesa informativa do Vota-machos
-Sábado 8 de Março diante do julgado a partir das 13 h, onde acudirám a concentraçom convocada pola MMM........

*Primeiro "Vota-Machos". Maio 2007.

Para ler...

2008-02-13T08:19:00.000-08:00

Habilitamos um apartado no blogue (abaixo à direita) onde imos ir carregando textos que consideremos de interese para todas as lerchas.
Se tês algum material que consideres interesante, envia-nos a ligaçom ao nosso co-e.

Acto da despedida de casada da Vane

2008-01-29T10:05:00.000-08:00

Se queres ver o acto de despedida da Vane, com fotos e com as arengas com as que as suas amigas nos ilustrarom sobre o simbolismo machista dos vodórrios, entra no nosso fotolog!

SORTEIO: KIT DE SOLTEIRA

2007-12-14T09:03:00.000-08:00

Celebramos o fim do matrimónio com um grande sorteio:

KIT DE SOLTEIRA

-Chaveiro: A casa para ti soa! Quanto necessitavas do teu espaço!

-Agenda: Fechaches-te na tua relaçom de casal e as amigas e amigos forom quedando atrás... é o momento de recuperar a tua vida social, que já nom vai estar ele detrás controlando com quem falas ou deixas de falar!
-Gomas: Também nom vai estar ele com os seus zelos, convertindo com os seus comentários umha actividade tam sana e natural como é o sexo numha porcada.

-Pato: Se até tinha ciumes se te masturbavas! Pois agora da-lhe todo o que queiras! O Kit leva este patinho a pilhas, para que nós descubras como é que se usa...

Compra a tua rifa!

DESPEDIDA DE CASADA!

2007-12-14T08:43:00.000-08:00

Achega-se o gram dia. O próximo dia 15 , a partir das 19 h as Lerchas somaremos com todo o nosso glamour ao acto de despedida de casada da Vane, um acto que quer ir alem da despedida do matrimónio: queremos despedir a mentalidade heterosexista e patriarcal imposta, que nos obriga a entender o amor encaixado numhas estruturas arcaicas, impostas com a finalidade de controlar os nossos corpos, a nossa sexualidade e as nossas vidas.

E ali estaremos, com a Vane e as suas amigas, para denunciar o simbolismo misógino das cerimónias dos casamentos, a hipocrisia consumista que nos quer situar fronte o altar alentadas polas listagens de regalos e as viagens às colónias turísticas, a pressom institucional que nós empurra a assinar contratos polos nossos sentimentos para poder aceder em igualdade de condiçons aos serviços públicos…

Segundo dados do IGE, no ano 2006 casarom-se mais de 10.500 mulheres na CA galega, das quais, mais de 63% figero-no polo rito católico, e mais do 55% das pessoas de entre 25 e 44 anos estám casadas. Embora estas cifras diminuem ano trás ano, as pressões sociais e político-económicas para prometer-nos de por vida escurecem as nossas ganas de viver e desejar livremente.

A carência de recursos sociais e a precariedade económica imponhem veladamente o modelo do casal (um 40% dos fogares monoparentais sofrem risco de pobreza), que por outra parte é uns dos focos de maior violência que suportam muitas mulheres: Na CA galega, seguindo dados do Serviço Galego de Igualdade, a cifra de mulheres mortas ata o 7 de Agosto deste ano ascende a 5, e as denúncias contabilizadas ata o 31 de Agosto a 2.198, e desde o ponto de coordinaçom das ordens de protecção de Galiza, na CA a 30 de Setembro deste ano existiam 2.248 ordes de protecção vigentes.

Se temos em conta que segundo as mesmas estimações, só um 10 % dos casos de violência machista no casal saem a luz, cumpre advertir sobre umha instituiçom que poderíamos qualificar de “perigosa” como é o matrimónio e todas as suas variantes, já sejam matrimónios “legais” ou nom.

Mais do 70% das mortes por terrorismo machista produzem-se no momento em que a mulher decide separar-se do seu par. Já que logo, divorciar-se nom parece tarefa fácil em muitos casos, e em outros incluso um acto de valentia que devemos alentar e celebrar. Por isso as Lerchas estamos com Vane e com todas as mulheres que se armam de auto-estima pola sua liberdade e independência. Ánimo Vane!

VANE DEIXA A YONI

2007-12-07T03:13:00.000-08:00

Novas informaçons a respeito da despedida de casada da Vane, animando a aquelas mulheres fartas dos seus maromos a manda-los à merda e também advertindo dos perigos do matrimónio.
Nas últimas horas tem aparecido pola cidade de Ourense cartazes como estes:

Como nom, seguiremos informando...

QUE PASSA?

2007-12-05T11:04:00.000-08:00

Nas últimas semanas algo está passando em Ourense. Depois do bombardeio que traze o verao de mosquitos e bodórrios, tendo que aguantar a moda da colagem de faixas reivindicativas DO MATRIMÓNIO, por fim sucede isto:

Seguiremos informando...

Com orgulho

2007-07-03T03:27:00.001-07:00

O passado dia 29 as Lerchas saimos à rua com umha mensagem: chimpar com o armário. Depois de realizar um teste a malta sobre a sua heterosexualidade, recomendamos-lhe cura-la chimpando com o armário.

Chimpar com o armário

2007-06-27T02:14:00.001-07:00

Esta sexta feira, dia 29, as Lerchas imos sair polas ruas de Ourense, com muito orgulho.
Estamos fartas de viver dentro do armário da correcçom, da norma heterosexual-monogámica-para-toda-a-vida, repremendo o nosso prazer e a nossa sexualidade.

Toda a vida na escuridade do armário:
Olho nom che caia o jabom no banho...
Como vas a desfrutar do sexo (e da vida) sem umha pirola...?
"Nom vou consentir que a minha filha se deite com cualquer, como umha puta"...
O sexo é perigoso e os homosexuais tem maior risco de contagiar-se de SIDA...
Se te masturbas podes ficar cego... e as mulheres, ademais, jordas, mudas e tetraplegicas...
O cu é para cagar, o resto é anti-natural...

Nom queremos sair do armário, porque nom queremos que fique ninguem nele. Assim que imos CHIMPA-LO, estoupa-lo, queima-lo e destrui-lo.

Que melhor ocasiom, coincidindo com a efeméride, para colgar-nos o "L" de apaixonadas novatas!
Ainda nom o encontra-ches?
Nom desesperes, segue a procura do teu Ponto G!
A sexta feira, a partir das 21h, desde a Praça do Ferro!

Fotos do acto eleitoral "VOTA MACHOS"

2007-05-31T08:21:00.001-07:00

Aqui vam algumhas fotos do acto, e tês mais no nosso fotolog.

Acto eleitoral: VOTA MACHOS

2007-05-25T04:52:00.000-07:00

A passada quarta feira as Lerchas organizamos o acto central da campanha VOTA MACHOS, com um rueiro pola cidade de Ourense apresentando a candidatura menos paritária de todas: a dos candidatos a alcaldia da cidade.
Com temas musicais circenses, o "vamos a contar mentiras" e, como nom, o tema central da campanha "Machos", passeamos a candidatura dos alcaldáveis até a porta do Concelho, onde tiramos a foto de turno e onde nos apareceu de imprevisto algumha televissom.
As consignas de campanha, além das chorradas inventadas polos políticos oficiais (Confiança e futuro, governamos para ti, faremos mais,...), estavam cheias de conteudo: "As mulheres a fregar, os homes a mandar", "Os machos mexam de pé", "A política nom é para as mulheres",...

Nom te perdas o nosso vídeo eleitoral!

Ponto G

2007-05-25T04:18:00.001-07:00

Practica..... o teu inglês!

Find Locate Excite Estimulate G-Spot - video powered by Metacafe

2007-05-08T07:41:00.000-07:00

Bombardeio eleitoral. Milheiros de ouros gastados em tintura e papel para encher as nossas rúas co maior despliegue publicitário do ano. As caras de 4 ou 5 gajos por todas as rúas, em todas as farolas, em todas paredes (nas que agora sim se pode colar, nom como o resto do ano, no que parece que nom tenhamos nada que dizer...).

A lógica do mercadeo eleitoral: Um partido tem que transmitir firmeça, confiança, responsabilidade. Um candidato tem que ser umha pessoa que inspire madurez, capacidade, liderazgo.

Está claro que isso nom o vende a imagem de umha mulher, ainda que logo sejamos bem recurridas para vender carros, bebidas alcoolicas ou desodorizantes masculinos.

A lógica da oferta e da procura no mercadeo eleitoral: As mulheres nom vendemos.

Alex Sanchez Vidal, Enrique Nóvoa, Francisco Rodriguez, A. Troitinho, J.L. Valcarce, J.M. González Gutierrez,... A opçom está clara na cidade das Burgas: Vota Machos!

AS LERCHAS VAM A CORPORACIÓN PATETICOESTETICA!

2007-04-18T09:18:00.000-07:00

O passado dia 11 as Lerchas fomos a corporación pateticoestética, assim de "monas", como querem ver estes às mulheres, coma barbies!

Nom faltava música a todo volume para amenizar o nosso desfile, dirigido polo doutor "puzle", que nos pujo estas grandes tetas de plástico e estas caras estiradas que, ainda que sejam inespresivas, nom tenhem nem umha arruga!
Oh, obrigadas corporación! Ante ti nos postramos por corregir as nossas imperfecçons!

E assim até o pessoal da clínica se entusiasmou com nós, tirandonos fotos e todo... Iriam a denunciar que lhes desfilarom umhas barbies diante do local?
E por fim... conseguimo-lo! O corporación fecha as suas portas! Nom mais mulheres operadas em nome da beleça!

Fora estereotipos!!

As Lerchas somos mulheres que nom queremos apariências. O ser deve ser, nom parecer ser. Onde está o verdadeiro "eu"? Atópao ti propia; o interior nom se pode operar, os sentires vam com nós tal e como som, sem máscaras.

Podemos disfraçarnos,sim, para rir, para divertirnos mas sempre tendo um eu verdadeiro; nom para agocharnos, nom para querer ser mais que o resto de seres que partillamos um mesmo planeta.

Pedimos respeito polas que som e querem ser de verdade, polas que tenhem pouco mas luitam co seu suor e dignidade.

Nom finjas, actúa.

(Dende o interior de umha mulher qualquer)

2007-04-10T07:45:00.000-07:00

A tua vida é umha merda?
Tês a auto-estima polo chao?
Nom encontras ao home da tua vida?

Nom será que te sintes fea e gorda...?
Nom pensaches que essa é a raiz dos teus problemas?

Mas todo tem soluçom!
A cirugia médico-estética pode fazer-te feliz!!

Nom confies em quem alerta sobre os seus perigos! Miles de mulheres no mundo estám consentindo felizmente, incluso pagando por isso, que se experimente sobre os seus corpos. Depois de centos de erros, de mortes em quirófanos, de rechaços de implantes mamário de silicona que levavam a muitas mulheres a perder os seus peitos, de paros cardiacos em quirófano por umha liposuçom,... estamos a piques de conseguir métodos eficazes e com riscos mínimos.

VEM E COMPROVA-O TU MESMA!!

QUARTA-FEIRA, DIA 11, A PARTIR DAS 20H NO CENTRO DE CORPORAÇOM PATETICOESTÉTICA DE OURENSE (R/ Curros Enriquez), DESFILE DE BARBIES!!

.........................................................................................................................................................................

Todas as mulheres temos algum defecto.. Ensinam-nos que somos seres imperfectos, que constantemente temos que estar pelejando contra a nossa natureza, com a finalidade de gostar. De gostar a quem? Aos homens, a umha sociedade machista que nos fai ser víctimas dos nossos próprios corpos. Inculcam-nos a ideia de que somos só corpos, cus e tetas e caras, que de nom ser e estar perfeitas, nom chegaremos a nengumha parte, nom encontraremos o amor, nem o éxito profissional, nem... Viver para o espelho é o melhor jeito de ternos controladas, ao tempo que outros (homes) se enriquezem das nossas "desgrácias". A indústria da estética é um negócio imparável, que nos fai ser culpáveis como cúmprices da nossa situaçom, argumentando a liberdade das mulheres que se sometem a operaçons quirurgicas que terminam dramaticamente, ou quando deixamos de comer para estar mais delgadas e caemos em enfermidades crónicas por isto. Mentres, nom se nos deixa de presionar para que sometamos os nossos corpos a toda classe de torturas: As mulheres que nom se depilam som umhas porcas, dam nojo aquelas que nom estám estremadamente delgadas, temos toxinas no nosso corpo que se manifestam como "celulite" (um invento dos laboratórios), ulimos mal e temos sujo até o nosso interior, que devemos depurar comendo fibras e bebendo litros e litros de água. Em vez de deixar-nos a asumir como normais as características dos nossos corpos diferentes e fermosos, convirtem-nos em problema qualquer rasgo que se desvie da norma estética, totalmente irreal e inalcanzável pola ampla maioria. A nossa velhice, cúmulo de sabiduria e conhecimento, desprestígia-se polas suas arrugas. Querem que a nossa auto-estima nom vaia além do superficial, porque assim deixariam de lucrar-se cirurjanos, farmaceuticos, dietistas,... e teriam um grave problema quem se beneficiam do nosso silêncio mentres ficamos escravizadas pola indústria da estética.

SE O 8 DE MARÇO É O DIA DA MULHER...

2007-04-10T02:08:00.000-07:00

...QUE ACONTECE O RESTO DO ANO?

O 8-M é umha data já totalmente institucionalizada. Concelhos, administrações, partidos políticos... somam-se nesta data que em origem foi muito reivindicativa, para fazer os seus lavados de cara. O resto do ano, todo segue igual.

Quigemos chamar a atençom sobre esta actitude hipócrita de muitos, e também sobre a necessidade de seguir denunciando e auto-organizandonos TODO O ANO.

Assim que colamos por toda a cidade estes enormes paneis, onde dize o que acontece o resto do ano:

DISCRIMINAÇOM, PENALIZAÇOM DO ABORTO, DESEMPREGO, LESOFOBIA, VIOLAÇOM, ASSASSINATOS, ABUSOS SEXUAIS INFANTIS, PROSTITUIÇOM, INVISSIBILIDADE, POBREÇA, VIOLÊNCIA.

LERCHAS:ASSEMBLEIA DE MULHERES DE OURENSE

2007-03-23T05:53:00.000-07:00

Pois aqui estamos, fartas dos machistas.

Assembleias todas as segundas feiras, às 19h30 na casa da juventude de Ourense (ou no bar de enfrente).